life note - 阿恩的Blog

都有一段时间无写嘢，我承认係有啲懒~~

不过，其实更因为係一路筹备紧转博事宜~~

因为实在係越用越唔爽啊~~~~

废话少讲~~新blog地址！！

http://www.guoaen.com

转咗博，原有留言保留唔到，真係唔好意思啊~~

各位朋友继续多多支持啊！！！

经过多日不见太阳嘅日子，今日终于见光啦，有得见下个太阳，纪念下先~~

啱买部N82无耐，新机返嚟，梗係乜都玩啦~~要装嘅装，试嘅试，基本都玩透啲啦~~

然后咁啱见到网上讲话N82已经有得更新固件，可以刷机，nokia官方有工具~

望咗几下，都好似几好，而且话升级后资料全部係度，唔使再搞~

咁正，梗係刷机啦~~down咗嘢，做好准备，升级~~

下载个rom就98.xm啦，然后更新又十几廿分钟，真係漫长嘅时间啊~~

不过终于更新完~~~开机一睇~~~

死人~~~变咗英文版~~~

望咗下，都係咁，唔知点算~~重要话无得降级嘎~~无计，唯有罗返客服搞~~

不过唔死心，上网揾资料，终于畀我揾到，原来係个乜鬼code嘅问题~~~如果改为新加坡、台湾或者香港嘅code嚟升级就可以升返中文版~~

我顶~~如果畀我早啲睇到未好罗，不过唔理，照试下先~~

跟住又down咗改code软件，装咗，改咗个新加坡嘅code（我唔知自己部机原来嘅code係边度，查过查唔到）再试~~

因为我已经升级到最新版本，都唔知有无得咁样再升，不过到咗咁嘅情况，乜都唔理啦，再开个刷机软件试下~~

好彩，可以畀你再更新（重装咁嘅形式），再一路next落去，发现有唔同啦，个rom变咗113.xxm，心里暗欢喜~~

又经过漫长嘅等待，终于更新完，开机一睇~~心都酸埋，重係英文......

心谂，可能係网上嗰度讲错有中文版嘅code，再改个香港行货code试下啦~~

于是改咗code后，再更新~~今次个rom係107.xxm。经过两次嘅刷机，对刷机已经无乜感觉，就係佢更新过程中，我又继续揾嘢睇~~

再睇又有新发现，原来我唔记得咗s60係可以改语言（之前用惯ppc，係咩语言就咩，无得改），谂返新加坡版应该可以改语言改为中文，不过都已经刷紧港行啦~~无所啦~~~

终于第三次刷机搞掂，开机睇~~终于有个繁体中文~~然后马上去改语言嗰度睇下~~有繁、简、英三种语言~~

终于都叫做搞掂，依家刷咗港版都好，可以打到多啲字，例如"咁、嘅、喺、哋"等，我钟意~~

经过几日玩机，又刷过几次机，对nokia啲机同s60 3rd又加深咗好多认识，咩证书、签名、刷机、GPS、AGPS等等又熟咗啲~~

真係经一事，长一智~~

以下係我今晚（2008.01.25）曾搜到，用过嘅资料~~

Nokia Software Updater 诺基亚刷机（升级固件）软件
http://www.nokia.com.cn/A4791103

Nemesis Service Suite(NSS)改code软件
http://bbs.dospy.com/viewthread.php?tid=922229

参考资料：

利用Nemesis Service Suite(NSS)改CODE刷机
http://s60.s80.cn/Article/Html/1646.html

诺基亚N82改CODE升级最新版本V11
http://bible.younet.com/files/2008/01/23/387112.shtml

已经有人成功升级到11.0.117了，有图为证！（导致我去刷机嘅贴！！）
http://nokia.it168.com/viewthread.php?tid=556462&extra=&page=1

诺基亚N82刷机问题附CODE列表
http://group.zol.com.cn/frmView.php?u=http://group.zol.com.cn/95/57_944839.html

其实依排都发生好多事啦~~不过最值得一讲嘅，当然朋友阿雄结婚嘅事啦~~

总之就祝佢幸福啦！

有日放工，一路行车站搭车嘅途中，行係我面前嘅一个中年妇人，见佢只手无啦啦摸棵树，咁嘅运作引起咗我注意，我第一反应就係，贴"牛皮癣"嘅人？！但我又睇唔清佢啱啱摸完棵树，有无留底嘢喔，出于好奇心，我就一路行係佢后面，跟住佢行，睇下佢重有无继续，到底我有无估错。睇佢一个非本地嘅中年妇女，左手罗住一个印住百佳嘅胶袋嘢，右手抱住个婴儿，睇上去都唔似贴牛皮癣嘅人啊；尝试睇下佢胶袋里面嘅嘢，睇唔真，感觉上似係一啲糖之类嘅零食。跟咗一段路，都唔见有乜特别，可能係自己多心啦，正想超越佢，行返正常步速，依个时候佢出手啦~~只见佢又伸手摸向一条电灯柱，缩开手后，果然见到....."办证xxxxxxxxxxx"，真係估唔到，原来依家贴嘢嘅人，已经从一般外来后生仔，转为中年妇人啦....

话说有日朝早返工，行去搭车嘅路上，一路行，突然见到有人好潇洒咁随手就将手上吃完早餐净底嘅垃圾丢去树边嘅草丛中。睇下，原来係一个小学生，再望下，手臂上有扣住个二划鸡，无记错应该係中队长吧~~~依家啲教育，原来就係咁样....

再有一日，帮公司去电脑城里买录音笔。买完录音笔，又唔想噉早返去公司，就係电脑城里面兜个圈行下~~行到一个柜台前係卖啲microSD卡嘅，就停係度望下~~突然听到旁边有人用英文对话，不自然咁就望咗下过去~~~只见一个鬼佬同一个电脑城里柜台嘅中年妇女係度对话，个鬼佬係睇手机嘅，个女就一路係度同佢讲，不断咁係度用英文介绍，同个鬼佬讲~~一个字"强"，以前嘅印象中，电脑城里的售货人员，都係外来人员，畀我嘅感觉都係文化水平一般，原来依家已经咁强啦~~~真係有眼不识泰山啊~~~

重有一样搞笑嘢~~有人有同事叫我帮佢查下联邦快递嘅电话，咁我好习惯嘅就打开google，输入"联邦快递"几只字，search~~结果出嚟，见到有个黄色嘅广告，无望咁多就click入去。然后睇咗一排，感觉有啲唔对路，点解係DHL嘅？！联邦快递唔係应该係FedEx咩？！以为係操作有咩问题，就再开多次google，再输入"联邦快递"，再search~~然后再望真啲嘅结果，一睇~~原来黄色嘅广告，真係DHL嘅广告，下面嘅搜索结果先係联邦快递（FedEx）。咁我就全部明白啦，DHL真係高，买咗"联邦快递"嘅关键字，做自己广告~~~依两家公司真係竞争得好犀利啊，不由得又令我谂起一个FedEx嘅旧广告图！！

无厘头，突然想写底一啲角色人名，包括游戏、动漫、小说、电影、电视，无特别分类排序，自己谂到就写嘅，如下：

NDSL《应援团2》GLAMOROUS SKY 华丽应援 隐藏模式 S级，我自己玩出嚟嘅~~~

重有，用ndsl m-06真人弹唱专辑~~~

包括有《 First Love》《离家出走》《红绿灯》等~~~

http://www.56.com/w48/album-aid-2994976.html 

gmail的新旧版本，在不同浏览器下，係会有不同表现~~~
图中分别是IE6、IE7、Firefox、Opera，只有在ff和ie7中才是新版本~~

Technorati : Google

只猫仔已经出世二十日啦~~~发两张相留念下先~~~

粤协活动又上报啦，今次重有我份添~~哈哈~~~

羊城晚报10.16号，B16~~

买唔到唔紧要~~~可以睇网上版~~

http://www.ycwb.com/ePaper/ycwb/html/2007-10/16/content_40817.htm

大家多多支持粤协啦~~~网站：http://www.cantonese.org.cn

搭多几句~~国庆去睇ACG漫展时，噉啱畀我见到张敬轩同胡芳芳喔~~真係好彩~~

不过嗰日无带相机去啊.....真係唔抵~~~

重有，之前国庆期间有个关于奥运嘅展览嚟咗广州摆，

去咗睇，影咗啲相，依家整咗个"奥运特辑"，介绍北京奥运场馆，

介绍中国历届金牌榜，噉多届奥运举行时间及举行国家，

包保你增长唔少奥运知识，有兴趣嚟睇睇啊~~

http://www.yupoo.com/albums/view?id=ff80808115a315af0115a90fb2941779

Technorati : 奥运, 报纸, 明星, 活动

踢波，就係一班人追个波~~

以前初初踢波嗰时，乜都唔识，就知道见到个波就追埋去，

又唔会谂点走位，又唔会罗身位，净係识冲埋去，跑两脚就射波。

慢慢踢得多啦，就知道要多传波，要企好位，要走位~~

继续踢就知道个波嚟啦，唔係一定要望住个波跑嘅，

罗咗身位先个波就自然係你嘎啦~~

朝早坐车返工，一部车嚟，啲人就会一湧而上，对住部车跑~~

初初嘅时候，就会跟住大部队一齐跑，冲到前门，不断死挤~~

根本唔谂后面可能有部空啲嘅车~~或者睇下时间再作打算~~~

坐车坐得多啦，见到有车嚟，先会从远处判断一下部车多唔多人；

如果多人，就会睇下后面会唔会跟住一部；

如果无，就会望下时间睇下可唔可以等下部再算；

如果都唔够时间先会再湧向部车~~~

但追车多啦，就知道要上车唔係一定要跑得快，

最紧要係可以用身位顶住后面嘅人，唔好畀佢超越你~~

今日我终于将踢波技术完美噉应用喺争位上车嘅实际情况上，

可以一个箭步争到第一位，然后再用完美嘅身位顶住后面嘅人，

自己再安心第一个踏上部车~~~~

Technorati : 上班, 坐车, 踢波

今日，屋企只猫终于生咗啦，生咗两只~~~

两只都係黑色，但係只乸係白色嘎喔，哈哈~~~

不过好惨，有一只係非自然嘅情况下死咗...得返一只~~~~唉.....点死嘅唔想讲啦......

总之重有一只，点都好啦，要好好保护先得啊~~~

依家离猎德拆嘅日子已经不足10日~~~~广州又少咗处历史宝地~~

猎德其实就已经9.8去嘅，都成一个月前啦~~~~如果唔係要拆，都唔会去行下，都几讽刺！！

嚟张牌坊相睇下先啦~~

入到村里面，睇住猎德涌，重有条猎德桥，都别有一翻风味~~原来广州有会有啲噉嘅水乡景色。係猎德，畀我最大嘅印象就係"旧"~~超级多嘅宗祠，而且里面重保留咗好多旧有嘅风格~~有天井，有两边长廊~~而且村里面重会有唔少嘅清代建筑~~重有龙母庙，等等~~

其实我都係觉得，如果将猎德整改下，再将佢历史发掘下，绝对可以开发成旅游点~~~前排去完乌镇，又係啲水乡古镇，返嚟再睇返猎德，其实都差唔多。乌镇一样，係不断嘅发展之下，已经有好多地方已经唔同晒，但佢係将重要嘅部分保留咗，重可以畀人见到佢有美丽嘅一面。猎德都係，改造唔紧要，但要将重要嘅嘢留返~~唔好乜都一刀切，毫无水平。啱好今日先睇到，话游客嚟广州都係一日游多，而且都係老三套"上下九""中山纪念堂""陈家祠"，如果将猎德开发成旅游点，就唔使得老三套，而且又可以保存水乡猎德啦！！

短信内容："尊敬的用户：您的话费积分奖品已经送出，请拨I25904881按1键领取，48小时内有效，客服4007060026"

发送嘅手机号码係：13519829010

开头第一眼睇到，我都以为有咩中咗奖，因为依排移动的确有好多咩饼券送~~~好彩再睇真啲~~来源于一个普通嘅手机号码，重有电话係用I25904881，连125904881都唔敢用~~~~就知有问题~~

重有，依个发短信嘅都好狠，查过个号码13519829010，係一个海南嘅全球通号码~~各位小心啦！！

今日早上返工时，係行紧去车站嘅时候，居然畀阿sir查身份证喔...发生咩事~~~无奈啊！！